აფხაზეთის საკითხი საქართველო-ყაზახეთის ურთიერთობებში

ანოტაცია

კვლევის მიზანია შეისწავლოს როგორ გავლენას ახდენს საქართველოს სეპარატისტული რეგიონის - აფხაზეთის საკითხი ყაზახეთის სა­გარეო და საშინაო პოლიტიკაზე. საბჭოთა კავშირის დაშლის შემდეგ საქარ­თ­ვე­ლო და ყაზახეთი განსხვავებულ მდგომარეობაში აღმოჩნდნენ. საქართველოს მიერ დამოუკიდებლობის მოპოვებას თან ახლდა გადაუწყვეტელი კონფ­ლი­ქ­ტები ავტონომიურ რეგიონებში - აფხაზეთში და სამაჩაბლოში. სეპარატიზმის პრობლემა ყაზახეთისთვისაც მნიშვნელოვანია, ქვეყნის ჩრდილოეთ ნაწილში მცხოვრები რუსი ეროვნების მოსახლეობის დიდი წილის გამო. ისტორიული და გეოსტრატეგიული მდგომარეობიდან გამომდინარე ყაზახეთი აქტიურად მონა­წი­ლეობს პოლიტიკურ, სამხედრო, ეკონომიკურ გაერთიანებებში, სადაც რუსეთს წამყვანი როლი უჭირავს. სახელმწიფოთაშორისი ურთიერთობების დამყა­რე­ბი­დან დღემდე ყაზახეთი ურყევად აღიარებს საქართველოს ტერიტორიულ მთლი­ა­­ნობას. ეს პოზიცია არ შეცვლილა 2008 წლის აგვისტოს ომის თანმდევი მო­ვ­ლე­ნების მიუხედავად. ნურსულთან ნაზარბაევის ოცდაათწლიანი ხელისუფლების შეცვლამ (2019 წელი), რუსეთის დახმარებით 2022 წლის იანვრის სახელმწიფო გადატრიალების მცდელობის თავიდან აცილებამ, იმავე წლის თებერვალში დაწყებულმა რუსეთ-უკრაინის ომმა კვლავ მნიშვნელოვანი გახადა ყაზახეთის და­მოკიდებულება რუსეთის მიერ ოკუპირებული ტერიტორიების მიმართ. ყა­ზა­ხი პოლიტიკოსები, საზოგადოებრივი მოღვაწეები, ფართო საზოგადოება, მიუ­ხე­დავად ყაზახეთის და საქართველოსთან მზარდი ურთიერთობებისა, არ არიან საკმარისად ინფორმირებული აფხაზეთის ისტორიული და თანამედროვე მდგო­მა­რეობის შესახებ. კვლევა მიზნად ისახავს გამოავლინოს, თუ რა განაპირობებს ყაზახეთის სახელმწიფო და საზოგადოებრივ პოზიციას აფხაზეთის პრობლემის მიმართ და როგორ შეიძლება დადებითი ტენდენციების გაძლიერება და არ­სე­ბუ­ლი ხარვეზების გამოსწორება. კვლევაში ქრონოლოგიური, ნარატიული, შედარებითი მეთოდების გამოყენებით გაანალიზირებულია ყაზახეთის რესპ­უ­ბ­ლიკის ოფიციალური დოკუმენტები, ყაზახი სახელმწიფო და საზოგა­დო­ე­ბრივი მოღვაწეების პოზიცია აფხაზეთის საკითხზე.