„ცხოვრების ფილოსოფიური წესი“ როგორც ადამიანის კულტურის მახასიათებელი (კარლ იასპერსის „ფილოსოფიის შესავალი“-ს მიხედვით)

ანოტაცია

ნაშრომი ეხება ადამიანური ყოფიერების ერთ-ერთ მნიშ­ვ­ნე­ლოვან პრო­ბ­ლე­მას: იმ კულტურული პრაქტიკის გააზრებას, რომელიც მი­სი ცხოვრების განმ­სა­ზ­­ღვრელია.  საკითხის გაშლა გერმანელი ფსი­ქი­ა­ტ­რი­სა და ფილოსოფოსის, კულტურის „ღერძული დროის“ ავტორის  კარლ იასპერსის შეხედულებათა გააზრების და ანალიზის  საფუძველზე ხდება. მოაზროვნე თვლის, რომ მხოლოდ ფილოსოფია, როგორც ჭეშ­მა­რი­ტების და­დგენის ინდივიდუალური მცდელობა, აძლევს  ადამიანს შანსს,  ერთი მხრივ „იქცეს  ადამიანად“, ხოლო მეორე მხრივ, იცხოვროს „გზაზე დგომის“ პრინციპით, რაც,  თა­ვის მხრივ, ადამიანის მიერ სინამდვილის  კულტუ­რუ­ლად კონსტრუირებისა და რეკ­ო­­ნ­სტრუირების ერთ-ერთი უმნიშვნე­ლო­ვა­ნესი საშუალება, მის მიერ სამყაროს ინტე­რ­პრე­ტაციის, გაგებისა და გაა­ზ­რების საშუალებაა. ადამიანის არსის კარლ იასპერსისეული გააზრება, საინტერესო და მი­­საღებია, რა­მე­­­თუ  გზაზე დგომის პროცესი როგორც  ცოცხალი აზრო­ვ­ნე­ბის განხორციელება,  იმავ­დ­როულად ამ აზროვნებაზე რეფლექსიას ნიშ­ნავს. საკუთარი თავის აღმოჩენასა და ფო­რ­მი­რებაზე კონცენ­ტრი­რე­ბული  ადამიანი სინამდვილის თანაზიარი ხდება.საკუთარი თავის მუდმივი ქმნა­დობით  ის კულტურულად გაფორმებს გარემომცველ სინამდვილეს და მას ღირებულებას  ანიჭებს.