გზად ახალი მოდერნისაკენ : ულრიხ ბეკის შეხედულებები თანამედროვე საზოგადოების ტრანსფორმირების თაობაზე

ანოტაცია

გერმანელი სოციოლოგის, ულრიხ ბეკის ინტერესის საგანი თა­ნამედროვე საზოგადოების ტრანსფორმირების ფონზე არის  კლასობრივი უთანასწორობა, რომელიც  მისი აზრით  ცხოვრების დონის მატებასთან ერ­თად ქრება და გამოსჭვივის ყოველდიურობის ნიუნსებში, იქნება ეს არქი­ტე­ქ­ტურული დიზაინი, ჩაცმის სტილი, მასობრივი ინფორმაციის საშუალებები, ცხოვრების დაგეგმვარება თუ სხვა. თუმცა, ეს პროცესი გასაგები მიზეზების გა­მო პირველი, მეორე და მესამე მსოფლიოს ქვეყნებში, განსხვავებული ინტე­ნ­სივობით მიმდინაროებს. ავტორის მიხედვით, ამ პროცესის თანმდევია: 1. ანა­ზღაურებადი შრომისაგან გამოთავისუფლებული მეტი დრო; 2. ანა­ზ­ღა­უ-რე­ბადი შრომისაგან გამოთავისუფლებული დროის მატერიალური კუთხით კარგად უზრუნველყოფა; 3. ანაზღაურებადი შრომისაგან თავისუფალ დროს ადამიანების პროდუქტიულობის შენარჩუნება და შესაძლოა უმჯობესი ხარისხითაც; 4. მეტი ანაზღაურება; 5. სიცოცხლის ხანგრძლივობის გაზრდა მა­მაკაცებში დაახლოებით 10 წლით, ხოლო ქალებში 13 წლამდე. ულრიხ ბეკი ამ ხუთი კომპონენტის კომბინაციიდან და არამარტო საუბრობს ,,ლიფტის ეფექტზე". ცვლილებათა განხილვადი შემთხვევის გენეზისს გერმანიის მა­გა­ლი­თზე აგებს, მოყოლებული კაიზერისეული პერიოდიდან, ვაიმარის რეს­პუ­ბ­ლიკის ჩათვლით ფედერაციულ გერმანიამდე, რომელმაც თანამე­დ­რო­ვე გერმანიას მისცა სახე. ულრიხ ბეკის აზრით, ცხოვრების დონის ზრდა სქესთა შორის ურიერთობებზეც კი აისახება და ე.წ. პატრიარქალური საზო­გა­დო­ე­ბი­სთვის მახასიათებელი სქესთა შორის მიმართების ჭრილში სტერეოტიპები ჩა­მოიშლება. ზემოხსენებული ,,ლიფტის ეფექტის" წყალობით დროდადრო, ფიქრობს ბეკი, შესაძლებელი ხდება ,,ნახტომები ისტორიაში", რაც გვაძლევს სრულიად ახალ რეალობას, და პირველ რიგში ახალს ხარისხობრივად.