ისტორიისა და ქართული ენის სწავლების საკითხი შიდა ქართლის მთიანეთის (ე. წ. სამხრეთ ოსეთის) სასკოლო განათლებაში
DOI:
https://doi.org/10.52340/sou.2022.20.32საკვანძო სიტყვები:
შიდა ქართლის მთიანეთი, ოკუპირებული რეგიონი, სკოლები, ისტორია, ქართული ენა, სწავლება, მხარეთა პოზიციები, რეკომენდაციებიანოტაცია
ნაშრომის მიზანია შეისწავლოს საქართველოს ზოგადი განათლების სისტემის ერთი სეგმენტი ოკუპირებული შიდა ქართლის მთიანეთში, ე. წ. სამხრეთ ოსეთის სკოლებში. კონკრეტულად განხილულია ისტორიისა და ქართული ენისა სწავლების მდგომარეობა რეგიონში, რაც სრულიად უგულვებელყოფილია ადგილობრივი სეპარატისტული ხელისუფლების მიერ. ეს ხელს უშლის რეგიონში დარჩენილ ადგილობრივ, ეთნიკურად ქართველ მოსახლეობას ისწავლოს მშობლიური ენაზე და გაეცნოს თავისი ქვეყნის ისტორიას. ისტორიის სახელმძღვანელოები სავსეა დაუსაბუთებელი, მტკიცებულებების გარეშე წარმოდგენილი ფაქტებითა და დებულებებით. გაუმართავია ისტორიის სწავლების მეთოდოლოგია, რომელიც ისევ ძველ, საბჭოურ მარქსისტულ-ბოლშევიკურ მეთოდოლოგიას ეყრდნობა.
მოხსენებაში აღწერილია, ქართული ენისა და ისტორიის სწავლების თვალსაზრისით რა მდგომარეობა იყო 2008 წლის ომამდე და რა ვითარებაა დღეს. რა „რეფორმები“ გაატარა ოსურმა მხარემ ომის შემდგომ პერიოდში და როგორია საქართველოს განათლებისა და მეცნიერების სამინისტროს პოზიცია აღნიშნულ საკითხებთან დაკავშირებით. განხილულია უცხოელი ექსპერტების შეფასებები და მოსაზრებები. შემოთავაზებულია რეკომენდაციები შექმნილი ვითარებისა და არსებული მდგომარეობის გასაუმჯობესებლად.
კვლევის დროს გამოყენებულია ისტორიულ-შედარებითი კვლევის მეთოდი, ჩატარდა არსებული მასალების (სახელმძღვანელოები, დოკუმენტები, საინფორმაციო საშუალებები და სხვა მასალა) სამაგიდე კვლევა და განხორციელდა შეგროვილი მონაცემების კონტენტ-ანალიზი.
ნაშრომის მეცნიერული სიახლე ეფუძნება ოკუპირებული შიდა ქართლის მთიანეთის, ე.წ. სამხრეთ ოსეთის სკოლებში ქართულ ენაზე სწავლებისა და ისტორიის სწავლების არსებული მდგომარეობის შესწავლას. გაანალიზებულია ქართული მხარის პოზიცია სკოლებში ქართული ენისა და ისტორიის სწავლების აკრძალვასთან დაკავშირებით და უცხოელი ექსპერტების მოსაზრებები. ნაშრომს აქვს პრაქტიკული მნიშვნელობა განათლების დარგით დაინტერესებული პირების, მკვლევარების, მეცნიერებისა და უბრალოდ საკითხისადმი არაგულგრილად დამოკიდებული პირებისათვის ინფორმაციის მიწოდებისა და არსებული ვითარების გაცნობის თვალსაზრისით.
წყაროები
უგრეხელიძე, მ. (2015). მინდია უგრეხელიძე. შესავალი სიტყვა (ტრანსკრიპტი). საერთაშორისო სამეცნიერო რეფერირებადი ჟურ. „სამართალი და მსოფლიო“. სპეციალური გამოშვება. კონფერენციის შრომები. N2.
„კავკაზ პლიუსი“, 2022 „სამხრეთ ოსეთში არც ერთი ოსური სკოლა არ არის“ https://ge.kavkazplus.com/news.php?id=44495#.Y4N6d71BzIU ბოლო ნა¬ხ¬ვა: 16.12.2022, 19:58
სამშვიდობო ინიციატივა (2018) შერიგებისა და სამოქალაქო თანასწრობის საკითხებში სახელმწიფო მინისტრის აპარატი, სამშვიდობო ინიციატივა „ნაბიჯი უკეთესი მომავლისთვის“, აფხაზეთისა და ცხინვალის რეგიონის/სამხრეთ ოსეთის მოსახლეობისთვის განათლების შესაძლებლობების განვითარება;
განათლება გამყოფ ხაზთან (2015) „სინერია“ - დევნილთა გაძლიერება ჩართულობისა და თანამშრომლობის გზით, განათლება გამყოფ ხაზთან;
Why do most S. Ossetian high-school graduates apply for universities in Russia?, 04.06. 2021 ბოლო ნახვა: 16.12.2022 20:39 https://jam-news.net/why-do-most-s-ossetian-high-school-graduates-apply-for-universities-in-russia/
