ბლუმის ტაქსონომიის გამოყენებით საკლასო აქტივობების შექმნა ინგლისურის, როგორც უცხოური ენის, შემსწავლელებისთვის

ანოტაცია

ბლუმის ტაქსონომია წარმოადგენს ჩარჩოს, რომელიც სხვა­და­სხვა ტიპის აზროვნების პროცესების კატეგორიზაციას ახდენს, დაწყე­ბუ­ლი ქვედა დონიდან, დამთავრებული  უმაღლესი სააზროვნო დონით. ცოდნა და გაგება მიიჩნევა ქვედა დონის სააზროვნო პროცესებად, გამოყენება განი­ხი­ლება საშუალო დონის სააზროვნო პროცესად, ხოლო ანალიზი, შეფასება და შექმნა კლასიფიცირდება, როგორც უმაღლესი დონის სააზროვნო პრო­ცე­ს­ები. პედაგოგს, საგნობრივი ცოდნის გადაცემასთან ერთად, გადამწყვეტი რო­ლი აქვს მოსწავლეებში უმაღლესი დონის სააზროვნო უნარების გან­ვი­თა­რების ხელშეწყობის კუთხით. ყოველი პედაგოგი უნდა ესწრაფოდეს, წარ­მა­რ­თოს მოსწავლეთა აზროვნება დაბალი სააზროვნო დონეებიდან უმაღლეს დო­ნემდე. ბლუმის ტაქსონომიაზე დაფუძნებული ეფექტური საკლასო აქტი­ვო­ბების შეთავაზებით, მასწავლებელს შეუძლია ხელი შეუწყოს მოსწავლეთა მაღალი დონის სააზროვნო უნარების განვითარებას.

       უმაღლესი დონის სააზროვნო უნარების გამომუშავებით, მოსწავლეებს აქვთ უნარი ჩამოაყალიბონ ჰიპოთეზები, დასვან საკვლევი კითხვები, შეი­მუ­შაონ პასუხები, ამოხსნან პრობლემები, მოახდინონ ცოდნის სინთეზირება სხვა­დასხვა წყაროდან, გამოთქვან ვარაუდები, მოახდინონ განსჯა, განა­ვი­თა­რონ მსჯელობა, აწარმოონ იდეების გენერირება, მოახდინონ სხვადასხვა თვალსაზრისის შეფასება, გამოიტანონ დასკვნები და ა. შ. უმაღლესი დონის სააზროვნო უნარები საშუალებას აძლევს მოსწავლეებს გამოიყენონ მი­ღე­ბუ­ლი ინფორმაცია ინოვაციური გზებით, მოახდინონ ინფორმაციის ინტე­რ­პ­რე­ტა­ცია და მანიპულირება, გამოიყენონ ცოდნა ახალ კონტექსტში, შეიმუშაონ ახალი გადაწყვეტილებები და განავითარონ ორიგინალური იდეები. უმა­ღ­ლე­სი დონის სააზროვნო აქტივობები ამზადებს მოსწავლეებს ჩამო­ყა­ლი­ბ­დ­ნენ მოაზროვნეებად, ნოვატორებად და შემქმნელებად. ისეთი საკლასო აქ­ტი­ვობების წარმოდგენით, რომლებიც უბიძგებს მასწავლებლებს გამოი­ყე­ნონ უმაღლესი დონის სააზროვნო უნარები, მასწავლებელი ხელს უწყობს მათ აკადემიურ ზრდას და ამზადებს მათ წარმატებული და სრულფასოვანი მო­მავლისთვის. სტატიაში წარმოდგენილია ბლუმის ტაქსონომიის კოგ­ნი­ტუ­რი აზროვნების დონეეებზე დაფუძნებული საკლასო აქტივობების ნიმუშები ინგლისურის, როგორც უცხოური ენის შემსწავლელებისთვის, რომლებიც სწო­რედ სხვადასხვა დონის სააზროვნო უნარების ჩართვას მოითხოვს მოს­წა­ვლეებისგან.